30 முன்னணி கம்பெனிகள் பங்கேற்கும் வேலை வாய்ப்பு முகாம்

30 முன்னணி கம்பெனிகள் பங்கேற்கும் வேலை வாய்ப்பு முகாம்

திருவண்ணாமலையில் 22ந் தேதி நடக்கிறது-கலெக்டர் தகவல் 

திருவண்ணாமலையில் வருகிற 22ந் தேதி 30-க்கும் மேற்பட்ட முன்னணி கம்பெனிகள் பங்கேற்கும் வேலை வாய்ப்பு முகாம் நடைபெற உள்ளதாக கலெக்டர் பாஸ்கர பாண்டியன் தெரிவித்துள்ளார். 

இது குறித்து திருவண்ணாமலை மாவட்ட கலெக்டர் பாஸ்கர பாண்டியன் வெளியிட்டுள்ள செய்தி குறிப்பில் கூறியிருப்பதாவது, 

தனியார் துறை நிறுவனங்களும், தனியார் துறையில் பணிபுரிய விருப்பம் உள்ள அனைத்து வகை பதிவுதாரர்களும் நேரடியாக சந்திக்கும் வேலைவாய்ப்பு முகாம் இம்மாதம் எதிர்வரும் 22.11.2024 வெள்ளிக்கிழமை அன்று காலை 10 மணி முதல் பகல் 2 மணி வரை நடைபெறுகிறது. 

திருவண்ணாமலை மாவட்ட வேலைவாய்ப்பு மற்றும் தொழில்நெறி வழிகாட்டும் மைய வளாகத்தில் நடைபெற உள்ள இம்முகாமில் 30-க்கும் மேற்பட்ட முன்னணி தனியார் நிறுவனங்கள் கலந்து கொண்டு 500-க்கும் மேற்பட்ட பணிக்காலியிடங்களுக்கு தகுதியான நபர்களை தேர்வு செய்ய உள்ளனர்.

எட்டாம் வகுப்பு, 10-ஆம் வகுப்பு, 12-ஆம் வகுப்பு, பட்டப்படிப்பு, முதுநிலைப் பட்டப்படிப்பு, பொறியியல், ஐ.டி.ஐ., பாலிடெக்னிக் தேர்ச்சி பெற்ற வேலைநாடுநர்கள் கலந்து கொண்டு பயன்பெறலாம். முகாம் அன்று தங்களுடைய  பாஸ்போர்ட் சைஸ் புகைப்படம், ரேஷன் அட்டை, ஆதார் அட்டை, சாதிச்சான்று, கல்வி தகுதி சான்றிதழ்களின் நகலுடன் முகாமில் கலந்துகொள்ள வேண்டும். 

முகாமில் கலந்துகொள்ள விருப்பமுள்ளவர்கள் www.tnprivatejobs.tn.gov.in  என்ற இணையதள முகவரியிலும் பதிவு செய்யலாம். மேலும் விபரங்களுக்கு 04175-233381 என்ற மாவட்ட வேலைவாய்ப்பு அலுவலக தொலைபேசி எண்ணில் தொடர்பு கொண்டு விவரங்களைப் பெற்றுக்கொள்ளலாம். 

எனவே திருவண்ணாமலை மாவட்டத்தை சார்ந்த வேலைவாய்ப்பற்ற இளைஞர்கள் இம்முகாமில் கலந்து கொண்டு பயனடையலாம்.

இவ்வாறு கலெக்டர் பாஸ்கர பாண்டியன் தெரிவித்துள்ளார்.

கலந்து கொள்ள உள்ள கம்பெனிகள் 

கிரெடிட் அக்சஸ் கிராமீன் லிமிடெட், இடம்: காஞ்சிபுரம்.

ஜிஎஸ் இன்ஃபோமேடிக்ஸ், இடம்: விழுப்புரம்.

விஜிஎஸ் எண்டர்பிரைசஸ், இடம்: திருவள்ளூர்.

பிவிஆர் எண்டர்பிரைசஸ், இடம்: திருவள்ளூர்.

எச்டிபி பைனான்சியல் சர்வீசஸ் லிமிடெட், இடம்: நாமக்கல்.

ஃபிட் ஃபார்மேஷன் பிரைவேட் லிமிடெட், இடம்: சென்னை.

கெவின் கன்சல்டிங் சர்வீசஸ், இடம்: காஞ்சிபுரம்.

எம்ஆர்எஃப் லிமிடெட் டிசிசி, இடம்: பெரம்பலூர்.

ஸ்ரீராமன்டெர்பிரைசஸ், இடம்: விஜயவாடா

 உள்பட பல கம்பெனிகள் இந்த வேலை வாய்ப்பு முகாமில் கலந்து கொள்கின்றன. 

வேலை தரும் நிறுவனம், படிப்பு தகுதி/வேலையின் வகை, காலிபணியிடம், சம்பள விவரம் வருமாறு:-

1. .கெவின் கன்சல்டிங் சர்வீசஸ்- எஸ்எஸ்எல்சி -செங்கல்பட்டு- 500- 15,000 - 25,000
2. கிரெடிட் அக்சஸ் கிராமீன் லிமிடெட்- எச்எஸ்சி-திருவண்ணாமலை- 50- 10,000 - 15,000
3. ஜிஎஸ் இன்ஃபோமேடிக்ஸ்- வணிக மேம்பாட்டு நிர்வாகி- திருவண்ணாமலை- 4- 10,000 - 15,000
4. ஜிஎஸ் இன்ஃபோமேடிக்ஸ்- ஆசிரியர்- திருவண்ணாமலை- 3- 10,000 - 15,000
5. விஜிஎஸ் எண்டர்பிரைசஸ்- இயந்திர ஆபரேட்டர்- காஞ்சிபுரம்- 1000- 10,000 - 15,000
6. பிவிஆர் எண்டர்பிரைசஸ்- இயந்திர ஆபரேட்டர்- காஞ்சிபுரம்- 500- 15,000 - 25,000
7. எச்டிபிஃபைனான்சியல் சர்வீசஸ் லிமிடெட்- பட்டதாரி - திருவண்ணாமலை- 10- 15,000 - 25,000
8. ஃபிட் ஃபார்மேஷன் பிரைவேட் லிமிடெட்- முதுகலை பட்டதாரி- சென்னை- 200- 10,000 - 15,000
9. ஃபிட் ஃபார்மேஷன் பிரைவேட் லிமிடெட்- ஜூனியர் சாப்ட்வேர் டெவலப்பர்- சென்னை- 50- 15,000 - 25,000
10. எம்ஆர்எஃப் லிமிடெட் டிசிசி- பயிற்சியாளர்- பெரம்பலூர்- 200- 15,000 - 25,000
11. ஸ்ரீராமன்டெர்பிரைசஸ்- இயந்திர ஆபரேட்டர்- செங்கல்பட்டு- 200- 15,000 - 25,000