சிட்கோவில் தொழிற்மனைகளை வாங்கலாம்-கலெக்டர்

சிட்கோவில் தொழிற்மனைகளை வாங்கலாம்-கலெக்டர் 

திருவண்ணாமலை சிட்கோவில் தொழிற்மனைகளை வாங்க விண்ணப்பங்களை பதிவு செய்யலாம் என கலெக்டர் பாஸ்கர பாண்டியன் தெரிவித்துள்ளார். 

இது குறித்து திருவண்ணாமலை மாவட்ட கலெக்டர் தெ.பாஸ்கர பாண்டியன் வெளியிட்டுள்ள செய்தி குறிப்பில் கூறியிருப்பதாவது, 

திருவண்ணாமலை அடுத்த பெரியகோளப்பாடி கிராமத்தில் அமைந்துள்ள தமிழ்நாடு சிட்கோ நிறுவனத்திற்கு சொந்தமான 103 காலி தொழில்மனைகள் ஒதுக்கீட்டிற்கு தயாராக உள்ளது.

புதிதாக தொழில் தொடங்க தொழிற்மனைகளை வாங்க விரும்புவோர் http://www.tansidco.tn.gov.in  என்ற இணையதளம் வாயிலாக தங்கள் விண்ணப்பங்களை பதிவு செய்யலாம். மேலும் தமிழ்நாட்டில் தமிழ்நாடு சிட்கோவிற்கு சொந்தமாக அமைந்துள்ள தொழிற்பேட்டைகளின் காலிமனைகள் விவரங்களை மேற்கண்ட இணையதளத்தின் வாயிலாகவே தெரிந்து கொண்டு இணையதளம் மூலம் விண்ணப்பிக்கலாம். 

பெரியகோளப்பாடி சிட்கோவில் உள்ள காலி தொழில்மனைகளை பார்வையிட கிளை மேலாளர் பா.இசக்கிராஜனை 9445006558 என்ற கைபேசி எண்ணில் தொடர்பு கொள்ளலாம். 

இவ்வாறு அவர் தெரிவித்துள்ளார்.    

--------------------------------------------------