ஜீவசமாதி அடைந்த சித்தர் வீரராகவலு சுவாமியின் குருபூஜை

ஆந்திர மாநிலம் கடப்பாவைச் சேர்ந்த ஸ்ரீவீரராகவலு, தான் பார்த்து வந்த அரசு வேலையை துறந்து விட்டு தமிழ்நாட்டுக்கு விஜயம் செய்தார். இங்கு பல கோயில்களுக்கு சென்று விட்டு திருவண்ணாமலை அடுத்த பெருந்துறைப்பட்டில் தங்கினார். 

இப்பகுதியில் உள்ள மக்களின் நோய், நொடிகளை தன்னிடம் உள்ள அரிய சக்தியால் தீர்த்து வைத்ததால் பிரபலம் அடைந்தார்.

1945ம் ஆண்டு அவர் அதே ஊரில் ஜீவசமாதி அடைந்தார். இதையடுத்து ஒவ்வொரு வருடமும் அவருக்கு குருபூஜை நடத்தப்பட்டு வருகிறது. நேற்று 78ம் ஆண்டு குருபூஜை, பெருந்துறைப்பட்டு மகாமாரியம்மன் கோயில் வளாகத்தில் நடைபெற்றது. காலையில் கோபூஜை, கணபதி, லட்சுமி, சரஸ்வதி பூஜையுடன் நிகழ்ச்சி தொடங்கியது.